e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Castelberg, Marian [Marianus] de * 1669 a Mustér, † 28-12-1742 a Mustér, cat., da Mustér. Figl da Conradin, scrivant da la LG, e dad Anna n. Tyron. Il 1687 è C. entrà en la claustra da Mustér ed il 1693 è el vegnì ordinà sacerdot; pader OSB. Econom a Trun e da la claustra da Mustér, alura decan ed a partir dal 1724 avat. En ses temp d'uffizi ha el sustegnì fermamain la politica pro-austriaca da sia famiglia. Quest'orientaziun politica ha provocà las refusas da las dieschmas (partind da la vischnanca pro-franz. da Breil) ch'han manà il 1737 a l'aboliziun definitiva da las dieschmas en la Cadi. Il medem onn ha C. remess ses uffizi ed il 1742 ha el era renunzià a la dignitad d'avat. Litteratura: Müller, Abtei Disentis, 139-45; HS III/1, 505.
Ursus Brunold
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|