e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Christ, Johann Paul * 19-11-1786 a Cuira, † 10-2-1844 a Cuira, ref., da Cuira. Figl da Johann Baptist, emprim maister da mastergnanza, e dad Anna n. Poletti, da Fanas. Frar da Ludwig. ∞ Maria n. Herliberger, da Turitg. Cun 16 onns è C. entrà en servetsch da Napoleun ed ha cumbattì sco chapitani en Spagna ed en Russia (Beresina). Legiunari d'onur. Resident a Baltimore 1814-19. Magister a la Scola chant. a Cuira a partir dal 1819, alura activ en div. uffizis, tr.a. en il Cussegl grond da la citad da Cuira. Il 1833 è C. daventà redactur da la «Churer Zeitung» ch'el ha transfurmà en in organ liberal. Suenter sia critica vehementa al spiert, a la politica ed a las instituziuns antiquadas («Die Wolfsjagd: Ein Sittengemälde aus Neuabderra, oder Ernst und Scherz», 1836-37) è el vegnì isolà e ruinà materialmain tras sentenzias giudizialas. Curt exil a Turitg. Il svilup ha dà raschun a C.: il frar Ludwig ha pudì racoglier ils fritgs da ses cumbat. Litteratura: R. Christoffel, Die Brüder C., en: JHGG, 1917, 210-32.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|