e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Attenhofer, Carl * 5-5-1837 a Wettingen/AG, † 22-5-1914 a Turitg, cat., pli tard cristian-cat., da Zurzach/AG. Figl da Carl, ustier en la claustra da Wettingen, e da Rosa n. Käuffler. ∞ Luise n. Zimmermann, d'Ebikon/LU. Scolar da musica da Daniel Elster al seminari da Wettingen. Studi al Conservatori da Lipsia 1857-58, ami da Friedrich Hegar. Magister da chant e musica a Muri/AG a partir dal 1859, directur da musica a Rapperswil/SG a partir dal 1863. Suenter il 1866 dirigent da div. chors a Turitg, a partir dal 1870 era directur da musica da l'Univ. da Turitg. Il 1896 clamà da Hegar al Conservatori sco segund directur. Sco cumponist represchenta el la tradiziun chorala svizra. Sias cumposiziuns per chors cumpiglian l'entir spectrum dal stil sacral archaisant a la chanzun populara. Las pli enconuschentas da sias 19 intunaziuns da texts rum. èn «Il pur suveran», «La vendetga dils Grischs», «Alla Tgalavaina», «Benedetg Fontana» e «Mi'orma svoula davent». Comm. d'onur dal Chor Ligia Grischa/Glion 1887.
Archiv: Bcom. Wintertur; ZBZ, tr.a. relasch.
Ovras: BMVR, nrs 327, 1363, 1386-1409.
Litteratura: E. Refardt, Historisch-Biographisches Musiker-Lexikon der Schweiz, 1928 (cun reg. d'ovras).
Andres Briner
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|