e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Falera, Andreas de * Mustér, † 14-6-1528 a Mustér, da Mustér. Pader OSB a la claustra da Mustér, avat 1512-28. Il 1514 ha F. visità l'imp. Maximilian a Puntina per laschar renovar il dretg da giurisdicziun criminala (dretg da vita e mort) ed ils privilegis da la claustra. L'incendi dal 1514 ha mess la claustra en crisa ed ha provocà intervenziuns da vart dal cumin ch'ha mess l'economia claustrala sut avugadia (1522). Il 1524 ha l'abazia pers il dretg da collatura, ella ha dentant pudì recepir novizs era suenter ils Artitgels da Glion dal 1526. F. ha pudì sanar las finanzas e spendrar qua tras la claustra, desistind dals dretgs feudals en la Cadi.
Litteratura: HS III/1, 499.
Adolf Collenberg
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|