e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
![stampa](img/print.gif) Frizzoni, Tommaso * 30-4-1760 a Schlarigna, † 1845 a Bergam, ref., da Schlarigna. Figl dad Anton e dad Anna n. Manella, commerziants. Surdmit da naschentscha. F. ha vivì dapi sia giuventetgna per gronda part en l'Italia. El ha frequentà las academias d'art a Firenza e Roma, nua ch'el ha scuntrà la pictura Angelica Kauffmann da Cuira. Sias ovras cumpiglian o.t. purtrets da persunalitads e da cuntradas engiadinaisas, aspects da la citad da Bergam e copias da maisters vegls. Ses maletg en ieli «Schlarigna e San Gian» (1797) è l'emprima pictura autonoma d'ina cuntrada grischuna.
Ovras: Descripziun da la vischnanca da Schlarigna, en: Der Neue Sammler 2, 1806, 291-322.
Litteratura: D. Kaiser, Tommaso F., en: FL, 8-7-1960; E. Campell e.a., Das Oberengadin in der Malerei, red. da D. Lardelli, 1985, 45 s.
Dora Lardelli
![pagina precedenta](img/enavos.gif)
© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|
![](img/clear.gif)
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|