e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Cabalzar, Martin de Cabbiolo  Cabalzar, [de] L'emprim represchentant enconuschent da la schlatta C. è Antoni Baltzar che vegn menz. en l'emprima mesadad dal 15. tsch. en il rodel da tschains da la baselgia parochiala da Degen ed en l'anniversari da Pleif/Vella. Ina parentella cun la fam. Andergia dal Mesauc n'è betg attestada, era sche las vopnas da fam. èn quasi identicas. Martin è stà l'exponent il pli impurtant dals C. A l'entschatta dal temp modern ha la fam. mess numerus chastellans episcopals, mastrals e bandierels (1526-1723) dal cumin da la Lumnezia, ma era landrehters da la LG, cumissaris, vicaris e guvernaturs en las Terras subditas. Carriera militara han ils C. fatg surtut en Frantscha. La fam. è sa domiciliada (a partir da Degen) a Sevgein, Rueun, Trun, Riein ed Alvagni. Nobilitaziun formala dals C. d'Alvagni tras l'imp. Joseph II il 1766. Litteratura: Grimm, Aristokratie, 196; Maissen, Landrichter, 43-45; Simmen, Wappen, 76 s. Duri Blumenthal  Cabalzar, Martin de Cabbiolo  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: