Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Caderas, Johann PlacidusCadi lemma sequent

Caderas, Mathias Anton de
≈ 26-11-1745 a Ladir, † 14-11-1815 a Glion, cat., da Ladir. Figl da Johann Placi. ∞ 1772 Anna Maria Catharina n. Camantognia, da Panaduz. Studis a Milaun 1764-65. Mastral da la Foppa (menz. il 1772). Il 1794 è C. stà examinatur a la Dieta fed. da las Trais Lias (dretgira nauscha cunter la facziun dals Salis) e dapi alura chau dals Patriots da la Surselva. Cunautur da la «Gründliche Widerlegung der Wilczeckischen Beschwerden» (1795), in tractat davart il malguvern grischun en Vuclina. Il 1797 ha el fatg part da la delegaziun grischuna ch'è sa scuntrada cun Napoleun Bonaparte a Milaun. Aderent da la Frantscha, ha el cumbattì a partir dal 1798 energicamain per l'adesiun dal Grischun a la Republica helvetica. Suenter l'occupaziun austr. l'oct. 1798 è el fugì en il territori helvetic ed è stà per in tschert temp prefect dal district dal Seeland bernais. A partir da mez da mars 1799 è el stà comm. da la Regenza provisorica a Curia (pres. dals 7 fin ils 22 da matg), a partir dal fan. 1799 comm. dal Cussegl da prefectura. Prefect dal district dal Glogn 1802. Comm. da la dretgira criminala chant. per esters 1813-15. Grazia a ses duns diplomatics ed a sia integritad persunala è C. vegnì clamà savens - surtut en temps da corrupziun generala - a participar a missiuns politicas difficilas, a process delicats ed a cumissiuns d'examinaziun.


Litteratura:
R. Steiner, Der Kanton Rätien zur Zeit der helvetischen Verwaltungskammer, 1936; A. Rufer, Das Ende des Freistaates der Drei Bünde, 1965.

Adolf Collenberg

lemma precedents Caderas, Johann PlacidusCadi lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :