Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Cadisch, ClaudiaCadonau, Anton lemma sequent

Cadisch, Joos
* 1-9-1895 a Berna, † 25-4-1977 a Berna, ref., da Preaz. Figl da Joos, magister gimnasial, e dad Ursula n. Liver. ∞ 1923 Mina Louise n. Ott. Gimnasi e studi da scienzas natiralas a Berna, diplom per l'instrucziun superiura 1918, dr.fil. a Berna 1919, habilitaziun a la SPF Turitg 1925 («Der Bau der Schweizeralpen»). Docent privat 1929 e prof. eo. a Basilea 1935-43, prof. da geologia a l'Univ. da Berna e directur da l'Institut geologic 1943-64, decan da la facultad filosofica e da scienzas natiralas 1948-49, rectur da l'Univ. da Berna 1957-58. Autur dal cumpendi «Geologie der Schweizeralpen» (1934, 1953²) e da numerusas publicaziuns davart la geologia da la Svizra. Expert per dumondas geologicas en Svizra ed a l'exteriur. Adjunct da la cumissiun geologica svizra incaricada da la Societad svizra da las scienzas natiralas 1920-43, viceschef dal biro per minieras ed economia da guerra a Berna 1941. Comm. d'onur da la Societad grischuna per la perscrutaziun da la natira 1938 e da la Geologists' Association a Londra 1951.


Litteratura:
W. Nabholz, Joos C. 1895-1977, en: Verhandlungen der Schweizerischen Naturforschenden Gesellschaft, 157/1977, 394-96; Die Dozenten der bernischen Hochschule, 1984, 171.

Albert Matter

lemma precedents Cadisch, ClaudiaCadonau, Anton lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :