Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Camenisch, Carl LeonhardCamenisch, Giusep Maria lemma sequent

Camenisch, Emil
* 17-4-1874 a Sarn, † 17-7-1958 a Tschupegna, ref., da Sarn. Figl dad Emil ed Eva n. Caminada, da Sarn. Cusrin da Carl Leonhard. Oriund d'ina veglia fam. da purs ed uffiziants da la Mantogna. ∞ 1902 Olga n. Liver. Stud.teol. a Basilea e Berlin. Plevon a Flearda-Urmagn-Tschupegna 1899-1912 ed a Valendau-Sagogn 1912-43. Persunalitad dominanta entaifer il Colloqui Sur igl Uaul (Surselva). C. pregiava en il spiert calvinistic e controllava rigurusamain che ses confrars adempleschian lur duairs e resguardian l'urden dal cult divin. El è stà cuniniziant da l'Uniun evang. da la Foppa e da l'Asil evang. regiunal a Glion. Dasperas ha el fatg studis oravant tut istoric-ecclesiastics. Sia ovra principala, scritta per incumbensa da la Sinoda, è la «Bündner Reformationsgeschichte» (1920), ina preschentaziun generala cun caracter da piunier davart la Refurma en il Stadi da las Trais Lias ed en sias Terras subditas.


Archiv:
ASGR, relasch.

Litteratura:
Bedeutende Bündner 2, 513-17.

Martin Bundi

lemma precedents Camenisch, Carl LeonhardCamenisch, Giusep Maria lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :