Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Camenisch, EmilCamenisch, Nina lemma sequent

Camenisch, Giusep Maria
* 10-7-1792 a S. Roc (Medel-Lucmagn), † 10-9-1847 a Surrein (Sumvitg), cat., da Medel/Lucmagn. Figl da Giachen Liberat, pur pitschen e chatschader, e da Maria Catrina n. Weller, da Tujetsch. Stud.teol. al collegi dals gesuits a Dillingen (Baviera), ordinà il 1815. Plevon a Surrein 1832-47. Promotur da la scola e da l'industria chasana e piunier sin il champ da la pressa rumantscha. Dal 1837-41 ha C. stampà trais gasettas en la chasa-pravenda: l'«Amitg della Religiun e della Patria» (1838-39; gasetta cons., redigida da C.), la «Nowa Gasetta Ramonscha» (1840-41; gasetta lib.-moderada) e l'«Amitg dil pievel» (1841; gasetta lib.-moderada), omaduas redigidas ens. cun Alois de Latour. Fin il 1846 ha C. stampà 18 cudeschs e broschuras rumantschas.


Ovras:
BR, nrs 949-54.

Litteratura:
C. Gadola, Giusep Maria C. 1792-1847, en: Il Glogn, 5/1931, 74-99; Bornatico, L’arte tipografica, 200 s.

Adolf Collenberg

lemma precedents Camenisch, EmilCamenisch, Nina lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: