Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Campell, RietCampocologno lemma sequent

Campell [Campel, Chiampell], [de]
Schlatta da chavaliers da la Tumleastga ch'ha prob. fundà enturn il 1200 la fortezza da Campell (vischn. da Seglias), da la quala ella è stada proprietaria fin en il 14. tschientaner. En l'urbari episcopal cumpara vers la fin dal 13. tsch. in Egeno de Campelle. Tenor ina notizia d'in urbari dal 1389, che menziunescha bains "die vormals dero von Capell lehen warent", duain ils signurs de C. già esser morts ora en il 14. tsch. tardiv. Il 1418 han Hans e Lorenz obtegnì dals baruns de Razén in bain sco feud ereditar en Stussavgia, quai che cumprova che la schlatta era entrada en servetschs dals de Razén ed era daventada purila.
La pretensiun da l'istoriograf Durich Chiampell, tenor la quala las fam. noblas d'Ardez e da Susch, attestadas en l'Engiadina dapi il 15. tsch., derivian genealogicamain da la schlatta da chavaliers da la Tumleastga, è ipotetica e betg cumprovada. Il 1499 è attestà in Gaudentz sco anteriur landamma a Beiva/Stalla. A partir da l'entsch. dal 16. tsch. cumparan ils C. a Susch (1510 Durich) e Lavin. Da quel rom derivan l'umanist, refurmatur e cronist Durich Chiampell e Luzius Conradin (numnà Lüza, 1821-75), chapitani en la Guerra da la Lia separatista, possessur d'ina bieraria a Susch a partir dal 1860 e promotur da l'allevament da muvel brin e da l'explotaziun dal guaud. Ses figl Riet ha fundà il Museum Engiadinais a S. Murezzan, ses biadi Rudolf (1893-1985) era medi d'auta muntogna, alpinist a Puntraschigna e pres. central dal CAS 1941-43. Dad Ardez deriva il musicist Peider.


Archiv:
ASGR.

Litteratura:
P. Schmid-Ammann, Ansprache anlässlich der Bestattungsfeierlichkeit von Peter C. [...], 1958; Clavadetscher/Meyer, Burgenbuch, 134-38; BJb, 1986, 148.

Martin Bundi

lemma precedents Campell, RietCampocologno lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :