e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Candrian, Domenic Candrian, Valentin  Candrian, Johann Christoph * 1-6-1849 a Panaduz, † 16-5-1928 a Cuira, cat., da Panaduz. Oriund d'ina fam. da purs. Il 1868 è el emigrà a Kaluga en la Russia Centrala per emprender pastizier en la fatschenta da ses frar Josef Anton. C. è dentant daventà industrial da commerzi intermediar a Novoborisov a la Beresina, nua ch'el ha realisà in pitschen imperi industrial ch'ha purtà ad el il num da "guvernatur da Borisov". Ils purs (ca. 30'000) dals guvernaments da Minsk, Mohiljov, Smolensk e Vitebsk furnivan o.t. l'atun chanasters e tschertgels da coller sco material da pachetar per l'industria da cement e da zutger e per la pestga. C. exportava perfin en Germania ed en l'Engalterra. L'Emprima Guerra mundiala e la Guerra civila russa han ruinà sia interpresa, ed el sez è vegnì sentenzià il 1916 a dus onns lavur sfurzada per sias pretendidas relaziuns d'amicizia cun ils Tudestgs. La stad 1920 è C. mitschà dals bolschevics ed è turnà senza daners en ses vitg natal, nua ch'el ha survegnì il surnum "dr Russ". Litteratura: Bühler, Bündner im Russischen Reich, 311-13. Roman Bühler  Candrian, Domenic Candrian, Valentin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: