Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CanesaCanova, [von] lemma sequent

Canova, Gaudenz
* 31-12-1887 a Domat, † 21-1-1962 a Cuira, cat., da Domat. Figl da Jakob Daniel, pur, e da Maria Elisabeth n. Jörg, da Domat. ∞ Clothilde n. Jörg, figlia da Gion Albrecht, medi, da Domat. Gimnasi ad Immensee/SZ e Saint-Maurice/VS, stud.iur. a Friburg e Berlin, dr.iur. Secretari guvernativ a Cuira a partir dal 1916, advocat al Volkshaus a Cuira dapi il 1918, redactur en uffizi accessoric da la «Bündner Volkswacht» en ils onns 1920. Comm. da la suprastanza com. da Domat. Deputà da la PS en il Cussegl grond 1921-47, cuss. da la citad da Cuira (executiva) 1923-28 e 1932-46, cuss. naz. 1922-25 e 1928-35. Protagonist dal moviment socialdem. da Cuira e dal Grischun en il temp tr. las duas guerras mundialas. Venerà sco advocat dals flaivels. Il pled d'avertura antifaschistic, salvà ils 18-11-1940 da C. sco  president dal Cussegl grond, n'è betg vegnì publitgà sut pressiun da l'autoritad da censura ed è vegnì rendì public pir ils 15-11-1980 en la «Bündner Zeitung» (privat) ed il 1997 en il rom d'ina interpellaziun parlamentara preschentada en il Cussegl grond. Il medem onn 1997 han il Cussegl grond e la Regenza grischuna refusà da reabilitar C. facticamain, recepind ses pled d'avertura dal 1940 en il protocol uffizial.


Archiv:
ASGR, protocol dal Cussegl grond dals 31-5-1997.

Litteratura:
BZ, 15-11-1980; M. Bundi, Arbeiterbewegung und Sozialdemokratie in Graubünden, 1981, 81-83; M. Bundi, Bedrohung, Anpassung und Widerstand, 1996, 19 s., 50 s.

Jürg Simonett

lemma precedents CanesaCanova, [von] lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :