e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Beeli, Nicolaus (von Belfort) Beghinas e begards  Beffano, de Famiglia nobla dal Mesauc, ministerials en servetsch dals baruns de Sax, domiciliada a Roveredo enturn il 1300. Albertus de B. de Rouoredo è stà perditga per Albert de Sax en in act dal 1272, Romegius de B. garant per Johann de Sax il 1295. Ils B. residiavan prob. tar la Torre di Beffan a Sant'Antonio-Roveredo, en ina part dal vitg che sa numna anc oz Béffen. Ulteriurs ministerials dals de Sax eran prob. Anricus e ses figls, attestads tr. il 1301 ed il 1327. Exponents da la fam. han prendì dimora vers la fin dal 14. tsch. a Monticello (vischn. da S. Vittore) ed a Buseno en la Val Calanca, prob. en consequenza da la decadenza da la Torre di Beffan. Guglielmo ed Ippone de B. eran migiurs da Pizzenus de Sax a Monticello il 1409. A Buseno abitavan Zuchonus e Rigolus de B. de Rovoledo il 1399 ed ulteriurs tschintg members da questa famiglia tr. il 1401 ed il 1486. Enrico, figl da Negro di B., è stà notar a Roveredo tr. il 1430 ed il 1453. Archiv: ASGR; Acirq. Roveredo. Funtaunas: BUB 2 e 3. Martin Bundi  Beeli, Nicolaus (von Belfort) Beghinas e begards  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: