Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents BenedictinsBener, Christian lemma sequent

Bener
Veglia schlatta da Cuira, oriunda da Bottwar (Württemberg). Ils B. èn sa natiralisads a Cuira il 1524 resp. il 1579. Questa fam. da mastergnants ha mess numerus maisters da mastergnanza, l'access ad uffizis municipals pli auts è dentant reussì ad ella pir en il 19. tschientaner. Las activitads dals B. èn stadas confurmas al svilup dal temp: commerziants da ponn, confundaturs da la Banca dal Grischun, caricas directivas en la Banca Chantunala Grischuna e sin ils champs da la spediziun e da las assicuranzas, contacts cun l'Orient e cun la Brasilia. La fam. ha anticipà svilups futuristics, participond a la construcziun dals bogns termals a Flem Casa d'Uaul ed a la fundaziun da chasas da cura e da sanatoris (Val, Tavau). Il success economic ha pussibilità a Christian, burgamester da Cuira, da fundar la chasa da cura Sand e da collavurar activamain en uniuns caritativas. En il 20. tsch. ha il piunier da viafier Gustav cuntinuà cun quest engaschament sin il champ cultural.


Litteratura:
G. Bener-Lorenz, Erinnerungen an die Gäuggeli-Eltern, 1949.

Max Hilfiker

lemma precedents BenedictinsBener, Christian lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: