e-LIR / Lexicon
Assistenza e-LIR
Contact
Publicaziuns
Links
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
 Berther Schlatta originara da la Cadi (fin ca. 1770 era tud. Bertold). 1300 Berchta (Tujetsch). Il 1425 ha la lingia tujetschina mess l'emprim represchentant d'ina lunga retscha da mastrals da la Cadi. La tipica fam. da mastrals è stada dominanta mo en il 16. e 17. tsch.: las differentas lingias, inclus quellas da Sumvitg e da Trun, han mess durant quel temp dudesch da total quindesch mastrals, plirs cumissaris a Clavenna e podestats en Vuclina, la lingia tujetschina, domiciliada a Mustér en il 16. tsch., dus landrehters da la LG. La fam. dals landrehters è sa parentada cun ils de Mont, las autras lingias cun ils de Latour ed ils de Castelberg (17. tsch.). Ils B. han schendrà fitg blers clericals e numerusas mungias. Archiv: Aclaustr. Mustér, carnet da notizias da la fam. Berther, 17./18. tschientaner.
Litteratura: G. Gadola, Il Cumin della Cadi, en: Il Glogn, 18/1944, 31-125; Maissen, Landrichter, 33-35.
Adolf Collenberg

© HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada.
| |
|

Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :
|
|