Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Caprez [-Roffler], GretiCaratsch, Reto lemma sequent

Caprez, [de]
Schlatta cat. da landrehters, attestada a Trun dapi la mesadad dal 17. tschientaner. Da Jakob († 1694), bandierel da la Cadi, èn descendids il figl Ludwig († 1733), ses successur en quest uffizi, e ses biadis Jakob Adalbert (* 1712), canoni da Cuira, Mathias (* 1705), mastral dal cumin da la Cadi, e Ludwig. Dals descendents da Hercules, landrehter, han occupà intgins auts uffizis politics en il Grischun, tr.a. il figl Mathias, mastral dal cumin da la Cadi, ed il biadi Adalbert Benedict. Auters represchentants da la famiglia èn stads tr. il 1734 ed il 1812 auts uffiziers en servetsch da la Frantscha: in frar da Mathias, Caspar Adalbert (1706-55, litinent-colonel), Ludwig, en pli in figl da Mathias, Ludwig, ed Anton ch'ha participà il 1854 a la Guerra da Crim ed è daventà general da brigada en la Legiun estra franzosa. In rom refurmà da la fam. è burgais da Trin.


Litteratura:
P.A. Vincenz, Offiziere der Familie C.-Truns im französischen Fremdendienste, en: BM, 1936, 301-15; RN 3, 518 s.

Kurt Wanner

lemma precedents Caprez [-Roffler], GretiCaratsch, Reto lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: