e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Artitgels da Glion Ascharina  Arvigo Vischnanca polit., cirq. Calanca, distr. Moesa. 1453 Arvicho. Lieu principal da la val e sedia da la dretgira cirq., incorporaziun da Landarenca 1980. 1691 400 abit.; 1733 352; 1850 110; 1900 155; 1950 115; 2000 (incl. Landarenca) 92. Il 1496 entran il Mesauc e la Val Calanca sco otgavla dretgira auta en la LG; la Calanca daventa ina da las quatter squadras (cumin) da questa dretgira auta ed A. ina mesa degagna (vischinadi). Il 1590 daventa A. ina chaplania, il 1611 ina plaiv. La baselgia da S. Luregn, menz. il 1453, vegn reconstruida en il 17. tsch. e restaurada en il 19. tschientaner. Auters edifizis sacrals èn las chapluttas da la Madonna Addolorata (Nossadunna da las dolurs, 17. tsch.) e da S. Gion Nepomucen (ca. 1710). La populaziun d' A. viveva en emprima lingia da l'allevament da muvel e da la pasculaziun. En ils tschientaners passads èn blers emigrads sco vaidrers e vendiders da rascha en Baviera ed en Austria. Il 1920 han ins cumenzà ad explotar plattamorta verda (paragnais). Il 2001 occupavan duas firmas da granit var 60 persunas. Litteratura: A. Bertossa, Storia della Calanca, 1937; C. Santi, I venditori di ragia della Val Calanca, en: Folclore svizzero, 78/1988, 29-38. Cesare Santi  Artitgels da Glion Ascharina  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: