e-LIR / Lexicon Assistenza e-LIR Contact Publicaziuns Links Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Capol, Daniel de Capol, Hercules [Hercli]  Capol, Hans * 1470, † 1560, da Flem. Exponent il pli prominent da sia famiglia nobilisada il 1489. Frar da Wolf. ∞ Emerita n. de Mont, da Vella. Bandierel en la Battaglia a la Chalavaina (1499), cumandant d'ina cumpagnia en servetschs venez. 1527, chapitani da las truppas grischunas en la Segunda Guerra da Müsch 1531. Pres. da la vischnanca da Flem 1526, chau da la LG 1526-27 e 1529-30. Benefiziari da pensiuns franz., ha C. cumprà il 1529 la mesadad d'ina chasa a Cuira (futur Antistitium). Promotur da la Refurmaziun, dals Artitgels da Glion (1526) e da la fundaziun da pravendas autonomas a Duin, Siat ed Andiast. Activitad giuridica intensiva 1524-38. Pres. e mediatur da div. dretgiras da cumpromiss.   Litteratura: O. Leistikow, Die Capoll [sic] aus Flims in Graubünden, s.o., 78 s. Martin Bundi  Capol, Daniel de Capol, Hercules [Hercli]  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :