Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Capol, Hercules [Hercli]Capol, Johann Gaudenz de lemma sequent

Capol, Hertli [Hercli, Hercules, Hartwig]
 * 1448, † ca. 1524, da Flem. Figl da Härtlin. ∞ 1) Gilia (Tilgia, Ottilia) n. de Mont, da Vella, 2) Anna n. Iter, da Cuira, oriunda d'ina influenta fam. da politichers. Tipic represchentant d'ina fam. aristocratica da derivanza purila che sa suttametteva però anc al vasalladi episcopal. Suenter l'emprim matrimoni è C. sa domicilià en Lumnezia, nua ch'el ha acquistà in grond possess funsil a partir dal 1477. Avugà episcopal en la Val Lumnezia 1486-88. Benefiziari da pensiuns austr., ha C. obtegnì il 1489 il titel da noblezza da l'imp. Friedrich III. Dal 1493 fin il 1524 è el stà pliras giadas avugà episcopal a Farschno e sin la Fürstenburg en il Vnuost, nua ch'el era proprietari dal chastè da Wissberg. Sper Benedetg Fontana è C. stà in dals cumandants grischuns principals en la Battaglia a la Chalavaina (1499). Delegà da las Trais Lias a las tractativas da pasch a Basilea. C. è stà in dals umens da stadi ils pli profilads dal Grischun enturn il 1500.


Litteratura:
O. Vasella, Die bischöfliche Herrschaft in Graubünden und die Bauernartikel von 1526, en: ZSG, 22/1942, 43 s.; Grimm, Aristokratie, 22-28.

Martin Bundi

lemma precedents Capol, Hercules [Hercli]Capol, Johann Gaudenz de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :