Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Capol, Hertli [Hercli, Hercules, Hartwig]Capol, Wolf de lemma sequent

Capol, Johann Gaudenz de
* 17-11-1641 a Flem, † 12-2-1723 a Flem, ref., da Flem. Figl da Benedikt e da Dorothea n. Schmid von Grüneck, da Glion. Frar da Hercules. ∞ Amalie n. von Schorsch, da Spleia. Stud.iur. a Basilea 1657-58 e Turitg. Pres. communal da Flem 1661, vicari 1677-81 e guvernatur da la Vuclina 1689-91, 1701-03 e zercl.-nov. 1707. Pres. da la Sindicatura 1673, 1685, 1697 e 1721. Tr. il 1670 ed il 1713 è C. stà set giadas chau da la LG. Cun sustegn dad Adalbert Ludwig de Latour ha el pudì evitar, tras in agir prudent, l'escalaziun da violenza en l'Affar da Sagogn dal 1701. El ha accumplì missiuns diplomaticas a Milaun 1695, a Vaniescha 1706 (Capitulat) ed en l'Ollanda 1707 (transferiment da truppas). Chapitani e possessur d'ina cumpagnia ereditara en servetsch spagnol. Chavalier da l'Urden da S. Marc (Vaniescha) e baronet (titel d'onur ereditar) d'Engalterra. Il 1682 ha C. laschà construir a Flem il Schlössli cun il famus tavlegià da stiva, vendì a Berlin il 1884 ed exponì en il Metropolitan Museum a New York dapi il 1906. Il 1706 ha el renovà il chastè dad Unter-Tagstein a Masagn.


Archiv:
ASGR, Capoliana.

Litteratura:
O. Leistikow, Die Capoll [sic] aus Flims in Graubünden, s.o., 80 s.; Kdm GR 4, 19.

Martin Bundi

lemma precedents Capol, Hertli [Hercli, Hercules, Hartwig]Capol, Wolf de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :