e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Caprez, Ludwig de Caprez [-Roffler], Greti  Caprez [-Danuser], Johann * 15-5-1875 a Trin, † 27-4-1931 a Cuira, ref., da Cuira. Figl da David, burser, e da Verena n. Caflisch, da Trin. ∞ 1) 1899 Maria n. Danuser († 1923), 2) 1926 Vroni n. Buchli. Suenter in emprendissadi da commerzi ed activitads professiunalas, ha C. surpiglià il 1901 da Julius Clavadetscher la fabrica da pasta a Cuira ch'el ha puspè manà sin la via dal success cun la modernisar permanentamain e cun schlargiar il sortiment da producziun. Il 1926 è la fabrica vegnida transfurmada en ina SA da famiglia. A partir dal 1926 è C. stà suppleant, a partir dal 1930 cusseglier lib. da la citad da Cuira (parlament). Dasperas ha el fatg da pur, pumicultur ed apicultur. El è mort en consequenza d'in accident da manaschi. Litteratura: FR, 29-4-1931; Jubiläumsschrift zum 110jährigen Bestehen der Churer Teigwarenfabrik und zum 50jährigen Betriebsjubiläum der Familie C., 1951. Max Hilfiker  Caprez, Ludwig de Caprez [-Roffler], Greti  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: