e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Carl, Kaspar (von Hohenbalken) Carniec  Carl, Kaspar de (von Hohenbalken) * 27-3-1781 a Tarasp, † 19-4-1859 a Cuira, cat., da Tarasp. Figl da Johann e dad Ursula n. Thöni. Scola elementara a Mariamunt, gimnasi e stud.fil. a Puntina, alura stud.teol. a Brixen. Ordinaziun sacerdotala 1804, alura repetent al Seminari da spirituals e vicari a Meraun. Il 1807 ha la Regenza bavaraisa bandischà C. dal Tirol, ens. cun l'uvestg da Cuira, Karl Rudolf Buol von Schauenstein. Professer da morala e da dretg canonic al Seminari da spirituals a Cuira 1808. Canoni residenzial 1826, regens 1830, prevost 1841. Coadjutur da l'uv. Johann Georg Bossi 1843, uvestg titular da Hippo (Tunesia), uvestg da Cuira 1844-59. Durant ses episcopat han gì lieu discussiuns intensivas cun la Regenza grischuna concernent il caracter confessiunal da las scolas chantunalas. Suenter la fusiun da quellas il 1850, ha C. fundà immediat in gimnasi cat. en la claustra da Mustér ch'el ha transferì il 1856 al Collegi Maria Hilf a Sviz. Il 1852 ha el stipulà in contract cun la citad da Cuira, tenor il qual la curt episcopala è vegnida incorporada en la vischnanca politica, ed il 1857 è el sa cunvegnì cun il chantun da Glaruna d'incorporar las plaivs da quel provisoricamain en l'uvestgieu da Cuira. Litteratura: HS I/1, 502 s.; Gatz, Bischöfe, 1785/1803, 92 s. Leo Ettlin  Carl, Kaspar (von Hohenbalken) Carniec  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: