Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Auas grondasAur dal Calanda lemma sequent

Augio
Part da la vischnanca polit. da Rossa, situada a 1034 m a la riva dretga da la Calancasca. 1850 168 abit.; 1900 109; 1950 102; 1980 45. 1301 Augio. Il 1496 furmava A. ina da las mesas degagnas (vischinadis) da la vischnanca da Calanca. Vischnanca autonoma 1851-1982, alura incorporada en la vischnanca politica da Rossa. L'actuala baselgia, deditgada a s. Giusep ed a s. Antoni da Padua, datescha dal 1784; ella sa chatta al lieu d'ina chaplutta construida avant il 1683. L'economia d'A. è stada liada da tuts temps a l'allevament da muvel e durant tschientaners a l'emigraziun. Cun daners dals emigrants d'A., activs sco vaidrers en Frantscha e vendiders da rascha en la Baviera ed en il Tirol, è vegnida erigida en il 18. tsch. tr.a. la Casa Spadino (oz center cultural La Cascata).



Litteratura:
E. Agustoni, M. Somaini, Guida all'arte del Moesano 1, 1990 (tud. 1990).

Cesare Santi

lemma precedents Auas grondasAur dal Calanda lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: