Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Castelli a San Nazaro, Peter AntonCastelmur lemma sequent

Castelli a San Nazaro [Castel a San Nazar]
Schlatta nobla oriunda da Com, attestada dapi il 13. tsch. era en Vuclina (o.t. a Murbegn). In rom da la fam. è sa domicilià a Sagogn en il 17. tschientaner. Peter Anton è daventà cumproprietari dal chastè da Löwenberg a Schluein tras maridaglia cun Anna de Mont, da Vella. Lur figl Joseph Ludwig ha obtegnì il 1666 il dretg da burgais da la LG ed il 1671 quel da Sagogn, nua ch'el ha cumprà il 1672 la tur da Fraissen (antruras en possess dals Jochbergs); el ha agiuntà a quella tur in nov edifizi principal. Il 1679-71 è el stà landfoct a Maiavilla. Divers comm. da la famiglia, tr. ils quals Peter Anton, han occupà uffizis politics en la LG, en il cumin da la Foppa ed en Vuclina. Gallus, ch'è sa convertì al protestantissem, ha fundà il rom ref., numnà Castell, ch'è s'extinguì il 1837. Wilhelm, l'ultim descendent dal rom cat. dals C., ha transferì il 1799 ses domicil a Murbegn.


Archiv:
ASGR, ms. privats.

Litteratura:
G.R. Orsini, La stirpe comense dei C., en: Periodico della Società Storica Comense 38, 1954, 83-98; Maissen, Landrichter, 106 s.; Simmen, Wappen, 59 s.

Martin Bundi

lemma precedents Castelli a San Nazaro, Peter AntonCastelmur lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: