e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Adelgott Adelheid  Adelgott (sontg) Attestà per l'emprim giada il 1151, † 3-10-1160. Pader cisterziens da Clairvaux (Champagne), scolar da Bernard da Clairvaux. Uvestg da Cuira 1151-60. Pliras giadas en l'escorta dal retg Conrad III e da l'imp. Friedrich I. Reorganisatur da l'uvestgieu e renovatur da la vita religiusa. A. ha refurmà las claustras da Müstair, Cazas e Schänis e reglà lur relaziuns economicas. Il 1154 ha el confidà al convent da S. Gliezi l'ospital da S. Martin da Cuira, il possess da la claustra da mungias da Mistail, schliada tr. il 1096 ed il 1154, e la surveglianza sur Cazas. Il 1160 ha el consecrà la cripta da la claustra da Mariamunt, transferida da Scuol en il Vnuost. Il possess dal chapitel catedral en il Vnuost, l'Engiadina Bassa, il Surses e la Bergiaglia è vegnì augmentà il 1160 considerablamain tras ina donaziun dad Ulrich III de Tarasp. Venerà sco sontg en l'uvestgieu da Cuira dapi il 17. tschientaner. Litteratura: HS I/1, 476; Affentranger, Bischöfe, 40-64; O.P. Clavadetscher, Die Urkunde Bischof A.s von Chur im Jahre 1154 für das Prämonstratenserkloster St. Luzi in Chur, en: Geschichte und Kultur Churrätiens, edì dad U. Brunold, L. Deplazes, 1986, 311-29. Veronika Feller-Vest  Adelgott Adelheid  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: