Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Cavazza, GirolamoCavelti, Gion Gieri lemma sequent

Cavelti, Elsa
* 4-5-1907 a Rorschach/SG, † 10-8-2001 a Basilea, cat., da Sagogn. Figlia da Johann Mathias, editur da gasettas, e da Hermine n. Hubatka, da Degersheim/SG. Studis da chant e da clavazin a Turitg, Frankfurt am Main e Vienna. Il 1936 è C. sa preschentada per l'emprima giada publicamain al teater da la citad da Katowice. Suenter engaschaments al teater da la citad da Frankfurt am Main, al Teater naziunal da la Silesia Superiura a Beuthen (oz Bytom, Pologna), al teater da la citad da Düsseldorf ed a l'Opera naziunala a Dresden, è ella vegnida clamada sco altista dramatica al teater da la citad da Turitg. Numerus concerts e turneas d'opera l'han manada en ils centers da musica ils pli impurtants da l'Europa e da l'America. C. è stada l'interpreta da bleras primaudiziuns dad ovras da cumponists contemporans svizzers (Paul Huber, Othmar Schoeck, Frank Martin, Willy Burkhard, Rudolf Kelterborn, e.a.). Il 1959 ha ella cumenzà in segund studi ch'ha permess ad ella d'interpretar era las grondas rollas dramaticas per sopran. Il 1964 è ella vegnida elegida professuressa al Conservatori statal da Frankfurt am Main; dapi alura ha ella era instruì a Basilea, nua ch'ella era domiciliada.


Litteratura:
LTS, 364; V. Naegele e.a., Elsa C., eine leidenschaftliche Sängerkarriere, 2007.

Regula Puskás

lemma precedents Cavazza, GirolamoCavelti, Gion Gieri lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :