Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Colani, ConradinColani, Timothée lemma sequent

Colani, Gian Marchet
* 19-5-1772 a La Punt-Chamues-ch, † 14-8-1837 a Puntraschigna, ref., da La Punt-Chamues-ch. Figl da Jan Antoni, pur e scrinari, e dad Anna n. Colani, da La Punt-Chamues-ch. ∞ 1) 1794 Margarita n. Ambass, figlia da Johannes, migiur, da Molinis, 2) 1808 Maria n. Branger, figlia dad Andreas, migiur, da Tavau. Emprendissadi da serrer en Frantscha. Armariel, pur ed ustier a Puntraschigna, occasiunalmain era guid da muntogna. C. era gia cun 19 onns il meglier tiradur da l'Engiadina. El ha sajettà en tut sia vita plirs urs e var 2'700 chamutschs. La legenda, tenor la quala el duai avair mazzà concurrents en ses revier da chatscha, sa basa sin in raquint romantic cumparì en il «Stuttgarter Morgenblatt». Il 1835 duai C. avair ascendì cun Oswald Heer ed auters il spitg ost dal Piz Palü. Jakob Christoph Heer è s'inspirà da C. per crear la figura da Markus Paltram en il roman «Der König der Bernina» (1900). Tavla commemorativa a Puntraschigna.


Archiv:
Acult. d'Engiadin’Ota, Samedan.

Litteratura:
G. Sturzenegger, La fam. da Gian Marchet C., "Raig dal Bernina", en: Chal. ladin, 1958, 48-64.

Dolf Kaiser

lemma precedents Colani, ConradinColani, Timothée lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :