Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Condrau, Giachen GiusepCondrau, Giusep lemma sequent

Condrau, Gion
* 9-1-1919 a Mustér, † 21-11-2006 a Küsnacht/ZH, cat., da Mustér. Figl da Leo, medi, e da Kreszentia n. Muheim. Descendent d'ina dinastia da medis e politichers. ∞ 1959 Irmgard n. Buschhausen. Matura a Mustér 1937, stud.med. a l'Univ. da Berna, dr.med. 1944, alura furmaziun en psichiatria, neurologia e neurochirurgia. A medem temp ha el studegià filosofia, psicologia, sociologia e pedagogia curativa a l'Univ. da Turitg, dr.fil. 1949. Medi assistent per medischina interna e reumatologia a Turitg e Dübendorf/ZH. Il 1953 ha C. avert in'atgna pratica per neurologia e psichiatria a Turitg. Confundatur ed emprim directur (fin il 2000) da l'Institut d'analisa existenziala per psicoterapia e psicosomatica. Habilità a la facultad da medischina da l'Univ. da Turitg ed a la facultad filosofic-istorica da Friburg (1964). Prof. titular a l'Univ. da Friburg, docent privat a l'Univ. da Turitg. Iniziant, confundatur ed emprim pres. da la Soc. svizra da medischina psicosomatica (pli tard comm. d'onur). Comm. dal cussegl executiv da l'International Federation of Psychoanalytic Societies, pres. da la Federaziun internaz. d'analisa existenziala. Delegà dal Comité internaz. da la Crusch cotschna en Germania 1945. Uffizier en la cumissiun militara svizra en la Corea 1953-54. Colonel da las truppas sanitaras. Cuss. communal da Herrliberg/ZH a partir dal 1966, cuss. chantunal da Turitg 1971-75, cuss. naz. da la PCD 1975-79. Ferm engaschament sin il champ sociopolitic. Autur da numerusas ovras da psicologia e filosofia generalmain enconuschentas. Premi da renconuschientscha dal chantun Grischun 1999.


Litteratura:
Ama et fac quod vis, edì da G.F. e C. Condrau, 1999; A. Condrau, Helfen und Heilen, 2009², 174-80.

Hugo Hungerbühler

lemma precedents Condrau, Giachen GiusepCondrau, Giusep lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :