e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Conradi, Moritz Conservativs  Conradi, Moritz * 16-6-1896 a S. Petersburg, † 1947, ref., dad Andeer. Figl da Moritz, possessur da fabricas a S. Petersburg. Biadi da Moritz. ∞ Vladislava Svartsevitsch. Gimnasi a S. Petersburg, studi d'inschigner da chemia. Entrà il 1915 en la scola d'uffiziers russa, è C. daventà chapitani ed ha servì a l'Armada alva fin il 1920. Il reschim communist ha confiscà parts da la facultad dals C. Plirs parents èn vegnids sajettads dals bolschevics; Moritz, sia mamma ed ina part da ses fragliuns èn sa salvads a temp en Svizra. C. ha prendì vendetga ed ha assassinà ils 10-5-1923 a Losanna il diplomat sovietic Vaclav Vorovsky e vulnerà ils dus assistents da quel Ils 16-11-1923 ha la dretgira d'assisas dal Vad declerà C. nunculpabel cun in'uschen. minorité en faveur. C. sa chapiva sco erox (in segund Tell) dal cumbat cunter il communissem. El n'a mai chattà la via enavos ad ina vita burgaisa regulada. L'acquittament da C. tras ils giurads, giuridicamain nunsustegnibel, ha mess la giustia svizra en ina glisch dubiusa, ha fatg donn a la Svizra sco sedia da la Societad da las naziuns e lieu da conferenzas internaz. ed ha cuntinuà a pegiurar las relaziuns cun l'Uniun Sovietica. Sco defensur en l'Affera C. ha Théodore Aubert fundà l'Entente internationale contre la IIIe Internationale, numnada era Liga Aubert cun in'orientaziun burgaisa da dretga. Litteratura: A. Gattiker, L’affaire C., 1975; A.E. Senn, Assassination in Switzerland, The Murder of Vatslav Vorovsky, 1981; Kaiser, Zuckerbäcker, 77 s.; G. Capol, Die Affäre C. 1923, en: BJb, 2002, 159-71. Martin Bundi  Conradi, Moritz Conservativs  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: