e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Contract federal Conzett [-Knecht], Verena  Conzett, Conrad * 20-10-1848 a Cuira, † 8-12-1897 a Horgen/ZH, ref., dad Aschera. Figl da Simeon, chalger, e da Dorothea n. Hold, da Cuira. ∞ 1) Barbara n. Wiesmann, figlia da Caspar, lainari, da Cuira (divorzi 1883), 2) Verena n. Knecht (Verena Conzett). Emprendissadi da stampadur a Cuira. Contact cun ideas socialisticas a Lipsia. Il 1871 ha C. publitgà ses cudesch «Nach Amerika! Handbuch für Auswanderer, nach eigenen Erfahrungen geschrieben» (prob. sin fundament d'in viadi da recognosziun). Il 1872 è el emigrà a Chicago, nua ch'el ha fundà ina stamparia e publitgà gasettas socialisticas. Return a Cuira 1878, midada a Turitg 1882. Editur dal «Volksfreund» 1878-85, stampadur dal «Grütlianer» 1881-85, editur e stampadur da la gasetta «Sozialdemokraten» 1879-88 (scumandada en Germania), redactur e stampadur da l'«Arbeiterstimme» fin il 1890. Organisatur dal congress socialistic internaz. a Cuira 1881. Iniziant principal da l'emprima Partida da lavurers dal Soloturn 1883. Pres. da l'Uniun sindicala svizra (USS) 1891-93. Comm. dals cussegls da la citad e dal chantun da Turitg per la PS 1893-96. Suicidi en consequenza da difficultads commerzialas. C. è stà in dals piuniers dal moviment da lavurers sin il champ naz. ed internaziunal. Litteratura: V. Conzett, Erstrebtes und Erlebtes, 1929; M. Bundi, Arbeiterbewegung und Sozialdemokratie in Graubünden, 1981, 22-28. Jürg Simonett  Contract federal Conzett [-Knecht], Verena  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: