Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents DavatzDavatz, Thomas lemma sequent

Davatz, Florian
* 19-7-1842 a Fanas, † 11-5-1894 a Cuira, ref., da Fanas. Figl da Nikolaus, scrivant, e dad Anna n. Sutter, da Fanas. ∞ Rina Amani n. Pozzi, da Poschiavo. Seminari scolastic a Cuira, scolast a Favugn ed a Poschiavo. Il 1873 è D. sa domicilià a Cuira, nua ch'el è stà magister da dissegn a la Scola chantunala. Collavuratur botanic da Johann Georg Amstein ed autur directiv da l'emprim reliev geografic dal Grischun (scala 1:25'000). Editur da las «Canzonette pelle scuole italiane» (2 ts, 1875). Redactur da la cronica da famiglia. Suprastant da la secziun Rätia dal CAS e comm. da la Societad grischuna per la perscrutaziun da la natira, nua ch'el ha salvà numerus referats davart la fauna e flora grischuna. Il Museum retic ha acquistà sia collecziun botanica.


Litteratura:
JNGG, 27/1893/94, 288-92; HBLS 2, 672.

Adolf Collenberg

lemma precedents DavatzDavatz, Thomas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :