e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Davatz, Florian Dazi  Davatz, Thomas * 23-4-1815 a Fanas, † 6-2-1888 a Landquart, ref., da Fanas. Figl da Christian e da Margaretha n. Janeth. Seminari scolastic da la Deutsche Christentumsgesellschaft a Beuggen (oz vischn. da Rheinfelden/AG), alura scolast a Fanas, Fadrein e Malans. Directur da la Rettungsanstalt a Freienstein/ZH (in institut per uffants paupers e bandunads). Il 1855 è D. emigrà cun sia gronda fam. e cun plirs tschients persunas dal Grischun e da la Svizra Orientala a Santos (prov. da São Paulo) en Brasilia. Cuntrari a las disposiziuns contractualas tractava la Casa Vergueiro ils colonists pli u main sco sclavs. D. è daventà il chau spiertal dals colonists ed ha pudì infurmar clandestinamain la Regenza svizra davart las cundiziuns da viver insupportablas en las colonias d'Ibicaba ed Angelica. Il 1857 ha el stuì fugir cun sia fam. en Svizra. Sia scrittira critica «Die Behandlung der Kolonisten in der Provinz São Paulo in Brasilien» (1858) ha provocà in'intervenziun uffiziala da vart da las autoritads svizras e brasilianas e l'aboliziun da las colonias svizras en Brasilia. Dal 1858-84 è D. stà postenent fed. a Landquart. Tras il roman «Ibicaba» (1985) dad Eveline Hasler è D. daventà ina figura litterara.  Ovras: Beschreibung einer Reise von der Tardisbrücke Kt. Graubünden, Schweiz, bis nach Ybicaba, Provinz S. Paulo, Brasilien, edì da S. Davatz, en: BM, 1997, 262-302. Litteratura: Bündner Volksblatt, 11-2-1888; FR, 12-2-1888; M.R. Fluck, Basler Missionare in Brasilien, 2004, 111-90. Martin Bundi  Davatz, Florian Dazi  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: