e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Amseller, Johannes Amstein  Amsler Schlatta oriunda da Flums. En il 15. tsch. èn plirs comm. stads en servetsch da l'uvestg da Cuira. Hug (1381) e Hans (1389) èn doc. sco servs dal signuradi episcopal da Flums. Tr. il 1410 ed il 1452 è doc. a Cuira differentas giadas Johannes, l'emprim sco canoni e cantor, pli tard sco prevost dal chapitel catedral; en questa funcziun intermediescha el il 1448 en ina dispita tr. il barun Gieri de Razén ed il pres. communal da Razén, Dysch Schmid. Ils 21-7-1452 presidiescha el ina dretgira da cumpromiss per reglar la Faida da Schons tr. il cont de Werdenberg-Sargans d'ina vart e la LG e la LCD da l'autra. A partir dal 1433 è doc. in Heinrich sco portascut en servetsch episcopal, il 1411 sco ministerial episcopal sin il chastè dad Alt-Aspermont ed il 1446 sin la fortezza da Wynegg. Il 1442 sigillescha el sco emprima perditga per in emprest episcopal. A Cuira ha vivì in portascut Hartmann († 1454). La fam. è s'extinguida en il 15. tschientaner. Archiv: ASGR. Martin Bundi  Amseller, Johannes Amstein  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: