Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents DeflorinDegen lemma sequent

Defuns [de Funs], Adalbert
* 21-1-1646 a Mustér, † 15-10-1716 a Mustér, cat., da Mustér. Figl da Jakob. Scola claustrala a Mustér a partir dal 1659, profess benedictin a Mustér 1662, ordinà il 1668 e 1670. Scolast a la facultad teol. da l'abazia, plevon a Sumvitg 1680-87, avat da la claustra da Mustér a partir dal 1696. D. aveva contact cun l'erudit Jean Mabillon e cun auters maurins impurtants sco era cun Cölestin Sfondrati. Sia ovra principala, las «Annalas da la claustra da Mustér» (7 ts en furma da manuscrits) che cumpigliavan era in'istorgia retica, è vegnida destruida tras l'incendi dal 1799. D. ha era redigì texts davart temas filosofics, giuridics, retorics e teologics per il studi intern claustral. El ha scrit pregias e translatà litteratura da devoziun en rum., tr.a. «Sagira via tier il parvis [...]» (1751). Durant il temp d'uffizi da D. è vegnida construida la baselgia claustrala odierna.


Ovras:
BR, nrs 2001, 2437-41.

Litteratura:
I. Müller, Las scartiras romontschas digl avat Adalbert de Funs, en: Ischi, 37/1951, 84-108; HS III/1, 504.

Karin Marti-Weissenbach

lemma precedents DeflorinDegen lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: