Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Liesch, WalterLietha, Andreas lemma sequent

Liesch [-Demarmels], Madlaina
* 10-3-1929 a Scuol, ref., da Mon e Malans. Figlia da Jon Demarmels. ∞ 1967 Andreas L., architect. Scola elementara a Scuol e Ftan. Furmaziun artistica en l'atelier dad Edgar Vital a Ftan, a Nottingham (School of Art) ed a Paris (Académie de la Grande Chaumière ed Atelier André Lhote). Engaschament en l'Opera da Turitg, nua ch'ella è stada responsabla per las machettas e culissas. Agen atelier a Scuol 1953-54 (expressiunissem abstract). Domiciliada a Turitg dapi il 1965, nua ch'ella sa deditgescha a la pictura constructiva e meditativa (polaritads, spazi, temp, magia dal lieu). Autura da maletgs (pictura moleculara, collaschas), sculpturas, installaziuns internas ed art a l'edifizi. Acquists publics ed incumbensas tras concurrenzas. Exposiziuns en Svizra ed a l'exteriur. Premi da renconuschientscha dal chantun Grischun 1982.


Litteratura:
Madlaina Demarmels, catalog d’expos., Maiavilla, 1979; A. Meuli, "Quellas da Russonch", 1984; SO, 28-1-2006; LQ, 10-3-2009.

Dora Lardelli

lemma precedents Liesch, WalterLietha, Andreas lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :