Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents DeportadsDeragisch, Sep Antoni lemma sequent

Depuoz, Johann Fidelis
* 22-1-1817 a Siat, † 19-2-1875 a Glion, cat., da Siat. Figl da Simon, pur, mastral, e dad Ursula n. Wackherr. Gimnasi al collegi dals gesuits a Feldkirch, studis da filosofia a Puntina e Vienna. Noviziat al collegi dals gesuits a Brig 1840. Stud.teol. al collegi da St. Michel a Friburg 1844-47, ulteriurs studis en Frantscha, en l'Italia, en ils Stadis Unids da l'America ed en Belgia 1848-51. Consecraziun a Löwen 1851. Scolast engaschà en la missiun populara e spiritual en Germania, en il Danemarc ed en Dalmazia 1851-59. Il 1859 ha D. prestà in servetsch voluntari en in lazaret durant la guerra franco-sarda cunter l'Austria en l'Italia. Il 1860 è el sortì da l'Urden dals gesuits. Ulteriurs studis a Cracovia e Roma, nua che D. ha promovì il 1862 a l'Università La Sapienza. Prof. da dretg ecclesiastic al seminari da spirituals S. Gliezi a Cuira 1862-64. Il 1865 ha D. avert a Glion ina scola reala e d'economia da chasa per mattas (il posteriur Institut S. Giusep) e fundà il 1866 il Spital S. Clau (avert il 1868). El ha reunì las scolastas e las tgirunzas activas en sias instituziuns caritativas en la Societad da l'amur divina ch'el ha fundà il 1867 ed a la quala el ha conferì il status da dretg privat per evitar las criticas adressadas als urdens religius. Pervia da difficultads finanzialas è questa societad s'unida il 1894 cun l'Urden dals dominicans.


Litteratura:
M.M. Monssen, Die Ilanzer Schwesternkongregation, 1950; F. Maissen, Sur Dr. Gion Fidel D., en: Ischi, 70/1985, 22-28; B. Vincenz, Das Spital St. Nikolaus im Rückblick, en: Regionalspital Surselva, Schlussbericht über den Neubau, 1991, 27; HS VIII/2, 94-98.

Leo Ettlin

lemma precedents DeportadsDeragisch, Sep Antoni lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :