Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Clüver, PhilippCoeuvres, François-Annibal de lemma sequent

Coaz, Johann Wilhelm Fortunat
* 31-5-1822 ad Antwerpen, † 18-8-1918 a Cuira, ref., da S-chanf, Cuvlignas, Valchava, Eclépens/VD e burgais d'onur da Lantsch Sut. Figl da Johann Wilhelm, uffizier professiunal, e da Salome n. Köhl. ∞ 1852 Paulina n. Lütscher, da Lantsch Sut. Studi d'inschigner forestal a l'Academia forestala roiala saxona a Tharandt 1841-43. Tr. il 1844 ed il 1851 è el stà topograf en las muntognas dal Grischun (Tavau/Engiadina) e durant la Guerra da la Lia separatista il 1847 secretari dal general Guillaume-Henri Dufour ed emploià en il biro da topografia federal. Inspectur forestal superiur dal Grischun 1851-73 e da S. Gagl 1873-75. Emprim inspectur forestal superiur da la Confed. 1875-1914. Activitads tecnic-scientificas sin ils champs da la botanica forestala, da la topografia, da la meteorologia, da la glaciologia e da la perscrutaziun da lavinas. 21 primascensiuns en las Alps, tr.a. quella dal Piz Bernina. C. è s'occupà o.t. da las mesiraziuns topograficas per la Charta Dufour, da la gestiun forestala en ils chantuns Grischun e S. Gagl e surtut da l'organisaziun da l'Inspecturat federal da selvicultura, chatscha e pestga. El ha influenzà decisivamain l'emprima lescha fed. davart la polizia forestala (1876) e la lescha fed. davart la surveglianza suprema da la polizia forestala (1902). Dr.h.c. da l'Univ. da Berna 1902. A l'entrada en la Val Varusch (S-chanf) e sper la chamona Boval dal CAS sa chattan craps per commemorar C. ch'è stà in dals gronds piuniers da l'alpinissem.


Ovras:
Die Lauinen der Schweizeralpen, 1881; Statistik und Verbau der Lawinen in den Schweizeralpen, 1910; Aus dem Leben eines schweizerischen Topographen von 1844 bis 1851, 1918.

Litteratura:
K. Schröter, Oberforstinspektor Dr. Johann C., 1919 (cun reg. d'ovras); Bedeutende Bündner 2, 108-18; C. Ragaz, Johann Wilhelm C., en: Grosse Verwaltungsmänner der Schweiz, edì da P. Bischofberger, B. Schmid, 1975, 169-74; P. Caminada, Pioniere der Alpentopographie, 2003.

Anton Schuler

lemma precedents Clüver, PhilippCoeuvres, François-Annibal de lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :