e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Assicuranza d'invaliditad (AI)
Ultra da rentas accordadas a persunas inablas da lavurar en consequenza d'impediments corporals e spiertals da naschientscha, tras malsognas u accidents dat l'AI era contribuziuns per mesiras d'integraziun medicinalas, pedagogicas u professiunalas. Per tschorvs, impedids d'udida u da spiert devi instituziuns da provediment che cooperavan dapi il 1920 en la Pro Infirmis. Suenter l'introducziun da l'AVS èn s'augmentads ils postulats per ina AI. Il 1955 han la PS e la PdL inoltrà iniziativas correspundentas, e gia il 1-1-1960 ha l'AI pudì entrar en vigur. Ella è colliada fermamain cun l'AVS sin il plaun material ed organisatoric. Revisiuns autonomas: 1967, 1986, 1991 e 2003. L' AI metta l'accent sin l'integraziun en la vita professiunala; la plipart dals daners vegn dentant impundida per las rentas. Las entradas da l'AI provegnan da subvenziuns fed. e chant. sco era da contribuziuns dals assicurads e patruns. Questas contribuziuns, fixadas l'emprim a 0,4% dal salari, han subì plirs augments e correspundan dapi il 1995 ad 1,4% dal salari. En consequenza da la refurma da l'armada dal 1995, èn vegnidas transferidas a l'AI il 1998 2,2 mia. frs da la reserva da chapital da la Cassa da cumpensaziun dal gudogn.
Litteratura:
G. Ochsner, Invalidenfürsorge und Invalidenversicherung in der Schweiz, 1954; J.H. Sommer, Das Ringen um soziale Sicherheit in der Schweiz, 1978.
Bernard Degen
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Assicuranza d'edifizis