e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Andrea, Silvia Anhorn, Bartholomäus  Anhorn, Bartholomäus * 1-7-1566 a Fläsch, † dec. 1640 a Gais/AR, ref., da Fläsch. Figl dad Ulrich, pur, giurader e burser, e da Catharina n. Adank, da Fläsch. ∞ 1) 1587 Barbara n. Hochrütner, figlia da Johannes, plevon a Grabs, 2) 1592 Barbara n. Engeli, figlia da Benedikt, cusseglier da citad a S. Gagl, 3) 1623 Ursula n. Tanner, figlia da Heinrich, chapitani a Speicher/AR. Stud.teol. a Cuira e Turitg, ordinaziun 1586. Sco plevon a Fläsch 1586-1604 e 1606-12 ed a Maiavilla a partir dal 1596 ha el promovì la derasaziun da la ductrina evang. en la Val dal Rain Grischuna. Il 1621 ha el stuì fugir sco aderent da la partida franz.-venez. da las truppas austr. en la Part Sura Songagliaisa. Suenter in curt return a Maiavilla il 1622, è A. emigrà il 1623 ad Appenzell Dadora. Plevon a Speicher (1623-26) ed a Gais (1626 fin a sia mort). En sia emprima ovra istorica «Püntner Aufruhr» (1607) ha A. crititgà las dretgiras nauschas, la cumpra d'uffizis, il maldiever da pensiuns e la degeneraziun da la giustia sco motivs principals da la decadenza statala. Ses capodovra «Graw-Pünter-Krieg» (1603-40), cun sias descripziuns detagliadas dals eveniments da guerra, è ina da las funtaunas principalas davart il temp dals Scumbigls grischuns. En l'emigraziun dat A. cun l'«Appenzeller Chronick» (1625) in'emprima survista pli detagliada da l'istorgia da sia segunda patria. Archiv: A.H. Anhorn, Fünf Jahrhunderte A.-Ammann, ms., 1959 (ASGR). Ovras: Kurtze wahrhaffte Relation was massen [...] den Einwohnern des Zehen Gerichten Pundts [...] abgetrungen worden, 1622; Chronik der Stadt Maienfeld, edì dad A. von Sprecher, 1992. Litteratura: Bedeutende Bündner 1, 142-44; Appenzeller Geschichte 2, 1972, 143 s.; P.A. Nielson, Über die genealogischen Aufzeichnungen des Bündner Pfarrers und Chronisten Bartholomäus A., en: JbSGF, 1976, 16-47; Feller/Bonjour, Geschichtsschreibung 1, 330-32; E. Züst, Bartholome A. 1566-1640, en: Appenzellerland, 1990/91, 320. J. Jürgen Seidel  Andrea, Silvia Anhorn, Bartholomäus  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: