e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  BT Bubretsch, de  Bual Term che deriva dal lat. bovale(bos, bove), rum. bov, e che signifitgava oriundamain "pastgira da bovs" (q.v.d. "die für die Ochsen und das nicht auf die Alp gehende Heimvieh reservierte Weide in der Nähe des Dorfes", DRG 2, 562), pli tard "pastgira d'atun" (Pasculaziun cumina). A bovale/bual appartegna etimologicamain era il toponim Bofel, attestà per l'emprima giada il 1368 a Cuira. Sco num da cultira cumpara Bual en l'entir Grischun rumantsch. Dapi il temp medieval tardiv vegnivan numnads bual era las parcellas separadas da la pastgira communabla ed attribuidas als vischins tras la sort (prada, ers, sorts). Il 1548 existivan p.ex. a Luven 19 sorts, numnadas Böffel. Litteratura: DRG 2, 558-62. Martin Bundi  BT Bubretsch, de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: