e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Bundi, Martin Bündner Tagblatt (BT)  Bündner Monatsblatt (BM) Fundà il 1850 cun il titel BM e cumparì sut quest titel en ils onns 1850-71, 1881, 1896-1904 ed a partir dal 1914; dapi il 1952 vegn el publitgà sut il titel actual BM. Editurs: fin il 1977 la redacziun dal BM, dapi il 1988 la Societad per la perscrutaziun da la cultura grischuna (dapi il 2003 ens. cun il Bündner Heimatschutz). Ils suttitels tradeschan ses stretg connex cun las pretensiuns e predilecziuns dal temp: Eine Zeitschrift für Erziehungs-, Armenwesen und Volkswirtschaft (1850-70); Zeitschrift für bündnerische Geschichte, Landes- (dapi il 1954 Heimat-) und Volkskunde (1914-87); Zeitschrift für bündnerische Geschichte und Landeskunde (1988-2002); Zeitschrift für Bündner Geschichte, Landeskunde und Baukultur (dapi il 2003). Mintga annada cumpiglia 4-12 fasc. e var 300 paginas. Ultra da las contribuziuns scientificas e da tempra scientifica-populara offra il BM ina cronica, las annadas fin il 1950 ina tavla dals defuncts e quellas dapi il 1988 in carnet cun la bibliografia grischuna da l'onn respectiv. Litteratura: R. Bornatico, Bündner Monatsblatt 1850-1981, en: BM, 1982, 1-3; BM, 2003, 3. Adolf Collenberg  Bundi, Martin Bündner Tagblatt (BT)  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: