e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Capeller, Georg Wilhelm Capol, Daniel de  Capitula Remedii Decret da dretg penal, redigì prob. da Remedius, uvestg da Cuira, enturn l'onn 800 e transmess exclusivamain en il codex 722 da la biblioteca claustrala da S. Gagl. I sa tracta d'in decret d'interess particular, perquai ch'el reflectescha tr.a. ina gronda diversitad da tradiziuns giuridicas. La materia giuridica, reglamentada en ils dudesch chapitels dal text, correspunda - a duas excepziuns - a quella dal Decalog (diesch cumandaments). Ils cuntegns èn damai fitg limitads en cumparegliaziun cun autras funtaunas giuridicas contemporanas. Integrond innovaziuns penalas da lur epoca, èn ils Capitula Remedii vegnids considerads ditg a tort sco novella da la  Lex Romana Curiensis; ins vegn a stuair redefinir lur impurtanza. Litteratura: C. Soliva, Zu den Capitula des Bischofs Remedius von Chur aus dem beginnenden 9. Jahrhundert, en: Nit anders denn liebs und guets, edì da C. Schott, C. Soliva, 1986, 167-72. Jon Peider Arquint  Capeller, Georg Wilhelm Capol, Daniel de  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: