e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Casutt, Jacob Joder Catechissem  Catastrofas Avant la fundaziun da las assicuranzas relativas pudevan catastrofas natiralas e quellas chaschunadas dals umans metter en miseria d'in di a l'auter entiras cuminanzas. Ina da las pli frequentas era l'incendi. L'Assicuranza d'edifizis obligatorica exista pir dapi il 1907 (cunter incendis) resp. dapi il 1932 (cunter donns elementars). Gia Strabo (64 a.C. - ca. 20 s.C.) aveva menz. ils privels da lavinas e da bovas en las Alps e caracterisà quels sco "brutals, barbarics e selvadis" - confurm a ses abitants che tschantschian in linguatg che nagin uman "civilisà" na chapeschia. L'orrur da las Alps è dapi alura sa derasada - fin a la mistificaziun - en nundumbraivlas scrittiras. Incendis e devastaziuns tras auas grondas e lavinas han alimentà cardientschas blauas e superstiziuns da tut gener ch'han terrorisà la glieud fin en il novissim temp. Pir las lavurs fundamentalas dal scienzià Johann Jakob Scheuchzer da Turitg (1672-1733) han permess in access scientific al mund alpin (observatoris da naiv e lavinas) ed il svilup da tecnologias da protecziun effizientas. Dapi il 1867 ha il chantun Grischun laschà emplantar giuradas e construir rempars e paralavinas per impedir, franar u chanalisar auas, lavinas e bovas. Il 1918 p.ex. èn vegnidas francadas 188,5 ha da la Val Languard al Munt da la Bês-cha per proteger la vischnanca da Puntraschigna (Terratrembels). Litteratura: C.G. Brügger, Beiträge zur Natur-Chronik der Schweiz, insbesondere der Rhätischen Alpen, 1-5, 1882; M. Thöny, Lawinen- und Wasserschaden, Wuhrarbeiten und Kolmatierung im Prättigau, 1911³; P.A. Flugi, Our da la cronica davart appariziuns da la natüra […], en: Chal. ladin, 1932, 60-74; P. Gillardon, Chronologisches Verzeichnis derjenigen Gemeinden und Partikularen, die im 18. Jahrhundert durch Feuersbrünste, Wasserschaden und sonstwie heimgesucht wurden und vom Bundestag Jahrgelder angewiesen erhielten, en: BM, 1938, 129-44; A. Laely, Lawinenchronik der Landschaft Davos, 1951 (separat da la Davoser Zeitung); H. Finze-Michaelsen, Die Geschichte der St. Antönier Lawinen, 1988; Metz, Graubünden 2, 576; Der rote Hahn: Brände in Chur, gestern und heute, en: BM, 1997, 328-82; N. Caviezel, Dorfbrände in Graubünden 1800-1945, 1998; HbBG 4, 384-87. Adolf Collenberg  Casutt, Jacob Joder Catechissem  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: