Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CorporaziunsCorpus evangelic lemma sequent

Corpus catolic
Ils Artitgels da Glion dal 1524 e dal 1526 han fatg nascher en las Trais Lias l'uschen. Itio in partes: ils affars confessiunals vegnivan tractandads dals delegads da las confessiuns respectivas, represchentadas dal Corpus cat. (sut il presidi dal chau-lia cat.) e dal Corpus evangelic, a l'occasiun da dietas e congress/pitags. Il 1623 čn quests dus gremis cumparids per l'emprima giada sco instituziuns permanentas, dal 1798 fin il 1803 čn quellas dentant vegnidas sistidas. Era sch'il Corpus cat. (Corpus catholicum) ed il Corpus evang. čn renaschids facticamain il 1803, čn els menziunads pir en la Const. chant. dal 1854 sco giuntas confessiunalas dal Cussegl grond. Las Const. chant. dal 1880 resp. quella dal 1892 na cuntegnan betg pli l'Itio in partes: il chantun Grischun ha privŕ las duas fracziuns confessiunalas da lur mandats politics, lur affars vegnivan dentant tractandads vinavant en il Corpus cat. resp. en il Corpus evangelic. Dapi il 1959 furma il Corpus cat. l'instanza politica suprema da la baselgia cat. dal Grischun e sa constituescha dals comm. catolics dal Cussegl grond e da la Regenza (a partir dal 1984 a basa facultativa), da dus delegads da l'uvestgieu e da 60 deputads da las plaivs. El sa raduna per ordinari ina giada l'onn. L'organ executiv dal Corpus cat. č la cumissiun administrativa che consista dal president, da trais commembers dal Corpus cat. e d'in represchentant da l'ordinariat episcopal.


Litteratura:
H. Furger, Das bündnerische Corpus catholicum, 1914; HbBG 3, 233.

Adolf Collenberg

lemma precedents CorporaziunsCorpus evangelic lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :