Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Arpagaus, Gion AntoniArquint, Caspar lemma sequent

Arpagaus, Gion Barclamiu
* 3-10-1810 a Cumbel, † 3-2-1882 a Cumbel, cat., da Cumbel. Figl da Luzi Antoni, pur, e dad Urschla Barla n. A., da Cumbel.  ∞ Maria Anna B. n. Candrian, figlia da Johann Mathias, salter fed., da Panaduz. Gimn. a Feldkirch, Soloturn e Lucerna. Stud.med. a Friburg e.Br., Paris e Heidelberg, dr.med. 1839. Pratica a Glion 1840-60, alura a Cumbel. Medi dal district Glogn 1848-58. Acquist dal bogn a Peiden, directur da la chasa da cura fin il 1868. Collavuratur da las gasettas liberalas «Il Romontsch» 1850-52 e «Ligia Grischa» 1865-73, redactur 1866-69. Fundatur e redactur dal chalender «Il Glogn» (cumparì il 1867/69). Comm. dal Cussegl grond 1848-50, 1856-58, 1859-61, 1864-65 e 1868-69. Statalter da la LG 1848-49. Comm. da la cumissiun sanitara 1851-53, 1858 e 1860-61 e da la cumissiun dal Cussegl grond 1868. Mastral da la Lumnezia 1859-60 e 1865-66. Derschader chant. 1855-57. Cuss. guv. 1866-67 e 1870-71, cuss. naz. 1851-54 e cuss. dals chantuns dal fan. 1860 fin il zercl. 1861. Sco schurnalist e politicher cat.-lib. en la suita dals Latour da Breil, engaschà o.t. en ils secturs da la scola, da l'industria e commerzi e dal traffic. Cun il declin da la partida cat.-lib. en Surselva ha "il bien docter A." (sco ch'el vegniva numnà) pers tut il sustegn politic.


Ovras:
Cudisch da hebamas (ina transl. dal Hebammenbuch da J.H. Schmidt), 1850; Bad Peiden, 1877; Fablas e novellas, 1878.

Litteratura:
G. Gadola, Gion Barclamiu A., en: Il Glogn, 21/1947, 75-110; Gruner, Bundesversammlung 1, 605 s.; Äskulap in Graubünden, 111 s.; Deplazes, Funtaunas 3, 230-32.

Jürg Simonett

lemma precedents Arpagaus, Gion AntoniArquint, Caspar lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redaktion HLS, Hirschengraben 11, Postfach, 3001 Bern, tel. +41 31 313 13 30, E-mail: :