Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents CurvaldaCussegl da guerra lemma sequent

Cussegl d'educaziun
II 1838 ha il Cussegl grond convocà in cussegl d'educaziun paritetic (prot. e cat.) per las scolas primaras, ed il 1843 ha el furmà da quel, cunter la ferma resistenza da la curia episcopala, in nov cussegl d'educaziun responsabel per tut las scolas (senza seminari da spirituals). Quel ha introducì l'urden da scola dal 1846 ed inizià l'organisaziun da scola dal 1853 (chantunalisaziun da la scola) e quella dal 1859. Sia cumposiziun: 1838 trais comm. (dus ref., in cat.); 1843 nov comm. (sis ref., trais cat.). Ils recturs dad omaduas scolas chant. confessiunalas eran comm. ex officio dal cussegl d'educaziun, ils auters set vegnivan elegids dal Cussegl grond per mintgamai trais onns. Il cussegl d'educaziun elegeva sez il president ed il vicepresident. Il 1859 è el vegnì reducì a tschintg comm. (trais ref., dus cat.). Sia incumbensa era mo ina consultativa fin il 1843, alura ha el surpiglià la direcziun e la surveglianza da las scolas, l'elecziun dals recturs e magisters da las duas scolas chant. confessiunalas (exceptà ils magisters da religiun) fin il 1850 ed alura la direcziun da la scola chant. paritetica, la concessiun da las patentas da magister, l'elecziun dals inspecturs da scola e la preparaziun da las leschas ed ordinaziuns davart la scolaziun. Il 1894 è il cussegl d'educaziun vegnì schlià sco autoritad autonoma e suttamess al schef dal Dep. d'educaziun sco cumissiun d'educaziun consultativa.


Funtaunas:
Chal. statal.

Litteratura:
M. Schmid, Erziehungsrat und Erziehungskommission, en: Fegl scolastic grischun, 3/1944, nr 3, 112-17; Pieth, Bündnergeschichte, 385-89.

Adolf Collenberg

lemma precedents CurvaldaCussegl da guerra lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: