e-LIR / Lexicon
Assistenza e-LIR
Contact
Publicaziun
Sponsurs
|
Lexicon Istoric Retic (LIR)
A B C D E F G H I J K L M N O P Q R S T U V W X Y Z
Derungs, Ursicin Gion Geli
*5-1-1935 a Vella, cat., da Vella. Figl d'Albert, commerziant, e da Maria n. Maggi, da Glion. ∞ Maria Cristina n. Bartolomei, da Verona, dr.fil., prof. a l'Univ. da Milaun. Gimnasi a Mustér, noviziat a Mustér 1955, ordinà pader OSB il 1960. Studis da filosofia a Nossadunnaun 1955-56, alura studi da teol. a Roma 1956-61, dr.teol. 1967 («Der Moraltheologe Joseph Geishüttner [1763-1805], Immanuel Kant und Johann Gottlieb Fichte [...]»). Magister a la scola claustrala da Mustér, prof. da teologia a l'Univ. da S. Anselmo a Roma 1970. Suenter studis supplementars a Tubinga è el sortì da l'Urden dals benedictins il 1975 ed è daventà scolast gimnasial a la Scola svizra a Milaun. Autur da prosa engaschada, ch'ha provocà per part resuns violents, p.ex. «Il saltar dils morts» (1982), e da dramatica («Siemi da mesastad», 1985; «Passiun», 2003, mess en musica da ses cusrin Gion Antoni Derungs). Translatur da texts liturgics e biblics («Bibla pintga» e.a.), da litteratura tal. (Dante e.a.) e tud. (Frisch, Goethe e.a.); commentader e columnist engaschà (tr.a. en la «Gasetta Romontscha», «La Quotidiana»). D. ha obtegnì div. premis, tr.a. il Premi Schiller (1999) ed il Premi da renconuschientscha dal chantun Grischun (2004).
Ovras:
La petta de spigias, 1998; Il temps dellas tschereschas, 2007 (autobiogr.).
Litteratura:
Deplazes, Funtaunas 4; G. Venzin, Jeu fuss morts: Ursicin G.G. Derungs [material da film], 2005; LTS, 459 s.
Adolf Collenberg
© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.
| |
|
Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail:
|
|
Derungs, Gion Luregn