e-LIR / Lexicon Assistenza e-LIR Contact Publicaziun Sponsurs	Lexicon Istoric Retic (LIR) Lemma Rumantsch Deutsch Italiano Chavazzin   A  B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z  Duin Durgiai, Gion Martin  Duonna Lupa Figura eroica legendara dal temp da la Battaglia a la Chalavaina, oriunda da Tschlin. Il fanadur 1499 èn entradas truppas imperialas dal Tirol en l'Engiadina Bassa ed han sblundregià la regiun. Ina truppa tirolaisa è vegnida sur Samignun e la Val Sampuoir a Tschlin. Ils umens da Tschlin eran gist en baselgia ad ina sepultura. Ils Tirolais han remartgà ina chasa mez scrudada a l'ur dal vitg, nua che la D. pinava la palorma en grondas chazzettas. A la dumonda tge che quai muntia duai ella avair respundì che las dunnas da Tschlin preparian gist il gentar per l'armada retica che arrivia mintga mument en il vitg. Ils Austriacs han piglià tema, e suenter che D. ha alarmà ils umens da Tschlin ed è ida cun quels encunter a l'inimi, ina bandiera en maun (sco la Giuditta biblica), èn las truppas austr. fugidas sur cunfin. Dechantada en la poesia «L'assalt da Tschlin o Donna Lupa» da Gian Gianet Cloetta, Litteratura: Annalas, 27/1913, 89 s.; Rauch, Homens prominents, 1935, 95-97. Martin Bundi  Duin Durgiai, Gion Martin  © HLS: Tuts dretgs d’autur da questa publicaziun electronica èn tar il Historisches Lexikon der Schweiz, Berna. Per tut ils texts publitgads a moda electronica valan las medemas reglas sco per la publicaziun stampada. Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: