Logo und Banner  

Lexicon Istoric Retic (LIR)

Lemma
Chavazzin  

A
 B  C  D  E  F  G  H I  J  K  L  M  N  O  P  Q  R  S  T  U  V  W  X  Y  Z

stampa
lemma precedents Engel [Engi], AnnaEngiadin'Ota, Lais d' lemma sequent

Engi, Gadient
* 13-12-1881 a Cuira, † 19-5-1945 a Basilea, ref., da Tschiertscha, Cuira e Riehen/BS (1922). Figl da Martin, maister serrer, e da Margreth n. Färber. ∞ 1909 Alice n. Hollenweger, figlia da Johann Heinrich, da Basilea e Seebach (oz vischn. polit. da Turitg). Scolas a Cuira, studi da chemia al Politecnicum da Turitg 1899-1903, promoziun a l'Univ. da Genevra. Chemicher en la Societad d'industria chemica a Basilea (dapi il 1945 Ciba) a partir dal 1904 (vicedirectur 1916, directur 1918), direcziun scientifica e tecnica da la Ciba 1924-44, delegà dal cussegl administrativ 1924 (vicepres. 1928-45). Scuvertas impurtantas en la producziun da colurants (tr.a. il "blau da Ciba" 1923). Comm. en funcziun directiva en div. societads chemicas e scientificas en Svizra ed a l'exteriur, en cussegls d'administraziun sco era en federaziuns da patruns da Basilea e da la Svizra. Dr.sc.tecn. h.c. da la SPF Turitg (1929), dr.fil. h.c. da l'Univ. da Basilea (1931). Possessur dal chastè Salis a Marschlins dapi il 1934.
 


Litteratura:
H. Schmid, Dr. Gadient E., en: Schweizer Pioniere der Wirtschaft und Technik, 15/1964, 59-86; TG, 1990, nr 1, 41 s.

Niklaus Landolt

lemma precedents Engel [Engi], AnnaEngiadin'Ota, Lais d' lemma sequent

pagina precedenta


© HLS: Tuts dretgs d’autur da questa publicaziun electronica èn tar
il Historisches Lexikon der Schweiz, Berna. Per tut ils texts publitgads a moda
electronica valan las medemas reglas sco per la publicaziun stampada.





Redacziun LIS, Gerberngasse 39, Chaum postal 322, 3000 Berna 13, tel. +41 31 313 13 30, e-mail: